Amerikanın “Mastercard” maliyyə korporasiyası Ukrayna ətrafındakı vəziyyətlə əlaqədar tətbiq edilən anti-Rusiya sanksiyalarına görə “bir çox maliyyə qurumları” üçün öz ödəniş sisteminə çıxışı bağlayıb. Bu barədə şirkətin rəhbəri Maykl Mibahın bazar ertəsi günü açıqlama verib.
“Sanksiyaların tətbiqi nəticəsində Rusiyanın bir çox maliyyə qurumlarının Mastercard ödəniş sisteminə çıxışını blokladıq”, – mesajda deyilir.
Fevralın 24-də Rusiya prezidenti Vladimir Putin Donbass respublikalarının rəhbərlərinin kömək üçün müraciətinə cavab olaraq Ukraynada xüsusi hərbi əməliyyat elan edib. Dövlət başçısı vurğulayıb ki, Moskvanın planlarına Ukrayna ərazilərinin işğalı daxil deyil. Rusiya Federasiyası Müdafiə Nazirliyinin məlumatına görə, Rusiya hərbçiləri şəhərlərə zərbə endirmir, yalnız hərbi infrastrukturu sıradan çıxarır, ona görə də mülki əhaliyə təhlükə yoxdur. Bundan sonra ABŞ, Aİ, Böyük Britaniya, eləcə də bir sıra digər dövlətlər Rusiyanın fiziki və hüquqi şəxslərinə qarşı sanksiyalar tətbiq etdiklərini açıqlayıblar.
