Rusiya Təhlükəsizlik Şurasının (SB) sədr müavini Dmitri Medvedev Rusiya neftinin qiymətlərini məhdudlaşdırmaq cəhdləri halında dünyada enerji daşıyıcılarına olan qiymət artımının davam edəcəyini proqnozlaşdırıb.
Dmitri Medvedev Yaponiyanın Baş naziri Fumio Kisidanın G7 sammitində müzakirə edilən Rusiya neftinin qiymətinin məhdudlaşdırılması mexanizminin onun dəyərini iki dəfə azaltmalı olduğu barədə bəyanatını xatırladıb.
Baş nazir qeyd edib ki, xüsusən də Rusiya neftinin maksimum qiyməti müəyyən ediləcək və onu daha yüksək qiymətə almağa imkan verməyən mexanizm yaradılacaq.
“Yapon dilindən rus dilinə tərcümə edəndə bu o deməkdir: 1. Bazarda neft əhəmiyyətli dərəcədə az olacaq və onun qiyməti də xeyli yüksək olacaq. Üstəlik, bu, proqnozlaşdırılan 300-400 dollarlıq astronomik qiymətdən də yüksək olacaq. Qaz qiymətlərinin dinamikası ilə müqayisə edin. 2. Amma Yaponiyanın Rusiyadan nə nefti, nə də qazı olacaq, “Saxalin-2” LNG layihəsində iştirakı kimi. Arigato!” – Medvedev çərşənbə axşamı özünün Telegram kanalında yazıb.
