Meksikanın dövlət neft, qaz və neft-kimya şirkətinin Petroleos Mexicanos (Pemex) neft hasilatı platforması Meksika körfəzində yanıb, 9 nəfər xəsarət alıb.
Bu barədə Pemexin X (keçmiş Twitter) səhifəsində dərc olunmuş mesajda deyilir.
“Bu gün yanacaq qazının ötürüldüyü boru kəmərlərinin ərazisində Akal B platformalarından birində yanğın baş verib. Hadisə yerində dərhal fövqəladə hallara cavab planı tətbiq edilib və yanğın lokallaşdırılıb”, – mesajda deyilir.
Şirkət yanğın nəticəsində 9 nəfərin “yüngül xəsarətlər” aldığını bildirib. Onlardan ikisi Pemexin əməkdaşları, qalan yeddi nəfər isə podratçı şirkətləri təmsil edir.
