2019-ci illə müqayisədə 2020-ci ildə sığorta haqları azalmış sığorta şirkətlərindən biri də “Meqa Sığorta” şirkətidir.
Banker.az bu barədə Mərkəzi Banka istinadən xəbər verir.
2020-ci ilin fevral ayında “Meqa Sığorta” şirkəti tərəfindən 4,021 milyon manat sığorta haqqı hesablanıb və bu da 2019-cu ilin eyni dövrüylə müqayisədə 28% azalma deməkdir. “Meqa Sığorta” şirkəti 2019-cu ilin fevral ayında 5,549 milyon manat sığorta haqqı yığmışdır.
Sığorta haqlarının azaldığı bir ildə “Meqa Sığorta” şirkətinin sığorta ödənişləri artıb. 2019-cu ilin fevralında 393 min manat təşkil etmiş sığorta ödənişləri 2020-ci ildə 749 min manata yüksəlib və yaxud 2 dəfə artıb.
