“Merano-Baku” ASC 2025-ci ilin 1-ci yarımilliyini 1 milyon 483 min manat mənfəətlə başa vurub. Ötən ilin eyni dövrünə şirkətin mənfəəti 1 milyon 432 min manat olub ki, bu da illik müqayisədə 4% artımdır.
Banker.az bu barədə şirkətin yarımillik hesabatına istinadən xəbər verir.
Yanvar-iyun aylarında “Merano-Baku”nun əsas əməliyyat gəlirləri 13 milyon 90 min manat (6.4% azalma), satışın maya dəyəri 9 milyon 399 min manat təşkil edib. Şirkət yarım ildə 371 min manat mənfəət vergisi ödəyib.
Hesabat dövründə ASC-nin cəmi öhdəlikləri 13 milyon 162 min manat, cəmi aktivləri 17 milyon 837 min manat, cəmi kapital isə 4 milyon 675 min manat olub.
Xatırladaq ki, “Merano-Baku” şirkəti, Amerika, Almaniya, İtaliya, İspaniya, Çexiya, Macarıstan,Rusiya, Türkiyə, BƏƏ, Polşa, Belçika, Belarusiya, Hindistan, Danimarka, Niderland, Fransa, Finlandiya, Yaponiya, Çin, Sinqapur, Tailand və.s kimi inkişaf etmiş ölkələrdən məhsulların idxalını təmin edir. Şirkət əsasən un məmulatları, makaron çeşidləri, qida əlavələri, müxtəlif növ yağ növləri,konservləşdirilmiş məhsullar, müxtəlif növ pendirlər, balıq məhsulları idxal edir.
