“Meta” şirkəti yeni qarışıq reallıq qarniturunu təqdim edib – “Meta Quest Pro”. Yenilik 12 GB əməli yaddaş və 256 GB daxili yaddaşdan əlavə, “Snapdragon XR2-Plus” prosessoru ilə təchiz edilib. Eynək linzaların tənzimlənməsi sistemi və ətraf işığın bloklanması funksiyalarını alıb.
Banker.az bu barədə “Kommersant”a istinadən xəbər verir.
“Quest 2” ilə müqayisədə bu cihaz istifadəçisinin üzünə yönəlmiş yeni kameralar dəsti ilə fərqlənir. Onlar insanın göz hərəkətlərini və üz ifadələrini izləyir.
“Meta Quest Pro”nun qiyməti 1.5 min dollar təşkil edəcək. Qarniturun müştərilərə çatdırılması oktyabrın 25-dən başlayacaq.
