Amerikanın basketbol üzrə milli komandası 36 il ardıcıl olaraq Olimpiya oyunlarında qalib gəlirdi və bu idman növü üzrə əvəzsiz Olimpiya çempionu idi. 1972-ci ildə Münhendə keçirilən Olimpiya oyunlarında amerikalılar finalda Sovet ittifaqının komandası ilə qarşılaşmalı idi. Gözlənilmədən mübarizə çox ciddi hal alır. Oyunun başa çatmasına cəmi bir neçə saniyə qaldıqda hesab 50-49 amerikalıların xeyrinə idi.
Final fiti səsləndikdən sonra gərgin qələbə əldə edən ABŞ komandası sevinməyə, rəqs etməyə başlayır. Lakin belə məlum olur ki, çox tez sevinmişlər. Sovet millisinin məşqçisi oyun zamanı 3 saniyəlik fasilə tələb etdiyini və daha sonradan hakimin səhv ucbatından ona bu fasilə vermədiyini bildirir və komandaların əlavə 3 saniyə də oynamalarını tələb edir. Bu saniyələr ərzində Aleksandr Belov iki amerikalı basketbolçudan keçərək topu zənbilə göndərməyi və öz növbəsində Sovet İttifaqına qələbə qazandırmaqla 36 illik ənənəni pozur.
