“Michelin” 2024-cü ildə təkcə restoranlar üçün deyil, həm də hotellər üçün bələdçi nəşr etməyə başlayacaq. Fransız şirkəti ziyarətə layiq hotelləri restoranlarda olduğu kimi ulduzlarla deyil, açarlarla qeyd edəcək.
Bələdçinin müəllifləri açarları beş meyar əsasında təltif edəcəklər: yerli kolorit, fərdilik, memarlıq və interyer dizaynında mükəmməllik, birinci dərəcəli xidmət, qiymət və keyfiyyət nisbəti.
“Michelin Hotel Guide”nin yaradılması fransız şirkətinin beş il əvvəl “Tablet Hotels” butik və dəbdəbəli mehmanxana sifarişi saytını alması sayəsində mümkün olub. Məhz onun verilənlər bazası və interfeysi indi “Michelin” bələdçi veb-saytının müvafiq bölməsində görünüb.
İlk açarlar 2024-cü ilin əvvəlində veriləcək. Ümumilikdə şirkətin mütəxəssisləri 120 ölkədən 5.3 minə yaxın hotelin işini qiymətləndirəcək.
