MindCotine adlı startap, virtual reallıq əsasında xüsusi tətbiq yaradıb. Həmin tətbiq, siqaret çəkmək asılılığından azad edir.

Sözügedən layihə Kickstarter platformasında təqdim olunub və onun inkişafı üçün 18.000$ vəsait lazımdır. MindCotine-nin yaradıcıları başa düşürlər ki, siqaretdən azad olmaq istəyən insanlar lazımi üsullara sahib deyillər. Məhz buna görə də bu startapın komandası, siqaret asılılığından qurtulmaq üçün virtual reallıq və tibbi sahədəki bacarıqlarını bir araya gətirib. MindCotine həmçinin süni zəka əsasında ünsiyyət platformasını da yaradıb. Tətbiqin istifadəçiləri həmin platformaya qoşularaq dəstək ala və öz fikirlərini bölüşə bilərlər. Ümumdünya Səhiyyə Təşkilatının məlumatına əsasən hər il 6 milyon insan siqaret ucbatından həyatını itirir. Bu asılılıq sayəsində yaranan səhhət problemlərininhəlli üçün isə bütün dünya üzrə 1 trilyon dollar vəsait xərclənir.