Mis qiymətləri 2013-cü ildən bəri Asiyada tələbin yüksəlməsi hesabına yeni rekorda çatıb. Belə ki, qiymətli metalın dəyəri 2,4% artaraq 11 400 dollardan yuxarı qalxıb.
Son həftələrdə qiymət artımı mümkün çatışmazlıqla bağlı spekulyasiyalar fonunda baş verib, çünki treyderlər ABŞ-də mümkün idxal rüsumlarından qaçmaq üçün böyük həcmdə metalları həmin ölkəyə yönləndirirdilər.
Bu il mis bazarı İndoneziyadan Çiliyə qədər mədənlərdə baş verən bir sıra gözlənilməz dayanmalara görə təchizat problemləri ilə üzləşib. Çin metallurgiya və mədənçilik şirkətləri 2026-cı il üçün təchizatla bağlı danışıqlar aparır, lakin bu danışıqlar mədən şirkətlərinin üstün mövqeyinə görə çətinləşir.
Çin misəritmə zavodları və Çilinin mədən şirkəti rüsumlarla bağlı danışıqlarda çıxılmaz vəziyyətə düşüblər.
İnvestorlar bu həftə ABŞ-dən bir sıra məlumatların — özəl sektorda məşğulluq, idxal qiymətləri və sənaye istehsalı ilə bağlı hesabatların — dərcini gözləyirlər.
Yerli vaxtla saat 10:03-də London Metal Birjasında (LME) misin qiyməti 2,3% artaraq tonuna 11 400,50 dollar təşkil edib və illik artımı təxminən 30%-ə çatdırıb. Alüminium 0,9%, sink isə 0,8% bahalaşıb.
