Misirdə dünyanın ən böyük və bahalı muzeyi açılıb. Muzey Gizədə, Xeops piramidasının yaxınlığında yerləşir. Orada həmçinin Tutanxamonun məzarından tapılmış xəzinələr də saxlanılır. Tikinti işləri 20 il davam edib və 1 milyard dollara başa gəlib.
Muzeyin ümumi sahəsi 24 min kvadratmetrdir. Burada qədim Misir sivilizasiyasına aid nəhəng heykəllər və tarixi artefaktlar nümayiş etdiriləcək.
Yollar asfaltlanıb, muzeyin qarşısında nəqliyyat əlaqəsini yaxşılaşdırmaq məqsədilə metro stansiyası inşa olunur. Qahirənin qərbində, muzeydən 40 dəqiqəlik məsafədə, Sfenks beynəlxalq hava limanı fəaliyyətə başlayıb.
