“Skype” komandası “PayPal” ödəmə sistemi ilə razılığa gələrək “iOS” və “Android” mobil əməliyyat sistemlərinin idarəsi altında işləyən qurğular üçün mobil proqramda pul göndərmək funksiyasını işə salıb.
“ICTnews” Elektron Xəbər Xidməti yazır ki, “Send Money” funksiyası ilk öncə 22 ölkədə fəaliyyət göstərəcək. Azərbaycan bu ölkələr arasında yoxdur. Sözügedən funksiyaya giriş əldə etmək üçün çatı sağ tərəfə dartaraq yeni opsiyanı seçmək lazımdır. Bu funksiyadan ilk istifadə zamanı olduğunuz yeri təsdiq etmək, bundan sonra “PayPal” hesabını “Skype” profilinə bağlamaq lazımdır.
