“Louis Vuitton” brendinin qurucusunun nəticəsi modelyer Patrik-Lui-Vitton 68 yaşında Fransada vəfat edib. Bu haqda dəb evinin “Instagram” səhifəsində məlumat verilib.
Patrik Lui 1973-cü ildə ailə ənənəsini davam etdirməyə başlayıb. “Onun təcrübəsi və işinə qarşı ehtirası, səyahət sənətinə yeni miras gətirdi”, -mesajda deyilir.
“Louis Vuitton” ticarət evi Lui Vitton tərəfindən 1854-cü ildə təsis edilmişdir. Əvvəllər şirkət çamadanlar və səyahət çantaları istehsalı sahəsində ixtisaslaşmışdır. Lui Vittonun ölümündən sonra onun işini uşaqları davam etdirdilər, bu günə qədər brend dəb aksessuarları istehsal edir.