Amerikanın “Moderna” kompaniyası 2022-ci ildə koronavirus əleyhinə vaksin istehsalını artıraraq 3 milyard dozaya çatdırmaq niyyətində olduğunu elan edib.
Bunu korporasiyanın Baş direktoru Stefan Bansel bildirib. Onun sözlərinə görə, “Moderna” kompaniyasının ABŞ və Avropadakı, o cümlədən İspaniya, Fransa, Belçika və İsveçrədəki investisiyaları peyvənd istehsalının artırılmasına imkan verəcək.
Bununla yanaşı, İsveçrədə yerləşən “Lonza” tərəfdaş kompaniyasında istehsal gücünü iki dəfə, İspaniyadakı “Rovi” kompaniyasında isə iki dəfədən çox artırmaq, həmçinin “Moderna” kompaniyasının ABŞ-dakı müəssisələrində 50 faiz daha çox peyvənd istehsal etmək planlaşdırılır.
“Moderna” eyni zamanda 2021-ci ildə əvvəlcə planlaşdırılandan (800 milyon doza) daha çox (1 milyard doza) peyvənd istehsalına nail olmaq niyyətindədir.
