Moldovanın Fövqəladə Hallar Komissiyası şənbə günü, iyunun 25-də keçirdiyi iclasda buğda və unun ixracına qoyulan qadağanın aradan qaldırılması barədə qərar qəbul edib.
Bu barədə yerli hökumətin mətbuat xidməti məlumat yayıb.
Moldovada fevralın 24-də Ukraynada vəziyyətin gərginləşməsi ilə əlaqədar övqəladə vəziyyət rejiminin tətbiqi qərara alınıb. Bu zaman baş nazirin rəhbərliyi ilə Fövqəladə Hallar Komissiyası Parlamentin razılığı olmadan qərar qəbul etmək hüququ əldə edib.
Martın 1-dən Moldovada ərzaq təhlükəsizliyini təmin etmək məqsədilə buğdanın, martın 12-dən isə unun ixracına qadağa qoyulub.
