MDB-nin İcraiyyə Komitəsi Moldovanın təşkilatın əsas sazişlərindən çıxmaqla bağlı müraciətini alıb. Bu barədə MDB-nin baş katibi Sergey Lebedev məlumat verib. Onun sözlərinə görə, Kişinyov iqtisadi əməkdaşlığı saxlamaq istəyir.
“Biz prosedura başlamışıq. O, tam bir il davam edəcək. Eyni zamanda Kişinyovdan MDB çərçivəsində iqtisadi əməkdaşlıqda qalmaq istədiklərinə dair müraciət də daxil olub”, — deyə Lebedev təşkilatın 35 illiyinə həsr olunmuş dəyirmi masada bildirib.
Aprelin 2-də ölkə parlamenti MDB-nin yaradılması haqqında sazişin və Birliyin nizamnaməsinin denonsasiyasını təsdiqləyib. Qanunverici orqanda bu addımın Avropa Birliyinə üzvlük yolunda təbii və qaçılmaz qərar olduğu bildirilib. Parlamentdə qeyd olunub ki, Moldova bunun sayəsində MDB büdcəsinə ödənişlərdən ildə təxminən 14 milyon rubl qənaət edəcək.
Moldova 2022-ci ildən etibarən MDB və Avrasiya İqtisadi Birliyi iclaslarını boykot edir. Hazırda respublika Avropa İttifaqına inteqrasiya hazırlıqları çərçivəsində MDB ilə bağlı təxminən 70 sazişi denonsasiya edib.
