Moldovanın yeni Prezidenti Maya Sandu Rusiyanın Dnestryanıdan hərbi qüvvələrini geri çəkməli olduğunu bildirib.
Bu barədə “RİA Novosti” məlumat yayıb.
“Dnestryanıda Rusiyanın bir əməliyyat qrupu var, bu qrupla əlaqədar Moldova tərəfindən heç vaxt razılıq olmadığı üçün dövlətin mövqeyi bu qoşunların geri çəkilməsi və silahların Moldova ərazisindən çıxarılmasıdır”,- deyə Sandu qeyd edb.
Maya Sandu bu məsələni Rusiya ilə müzakirə edəcəyini bildirib və Dnestryanıda hərbi əməliyyat təhlükəsi olmadığını vurğulayıb.
Onun sözlərinə görə, sülhməramlı missiya ATƏT-in himayəsi altında mülki müstəviyə gətirilməlidir.
