“Azərbaycan Hava Yolları” aviaşirkəti (AZAL) Rusiyadan Azərbaycana reyslərə tələbatın artması, habelə aviabiletlərin dəyərinə dair yaranan suallarla əlaqədar açıqlama verib.
Banker.az AZAL-ın Mətbuat xidmətinə istinadən xəbər verir ki, aviaşirkət tərəfindən Moskva-Bakı marşrutu üzrə təklif olunan aviabiletlərin xidmət sinifləri maksimal dəyəri belədir:
⠀
– ekonom sinif – 409 avro;
– biznes sinif – 769 avro;
– “VIP Club” tarifi – 869 avro.
⠀
AZAL-la yanaşı, Rusiyadan Azərbaycana Rusiyanın “Aeroflot”, “Rossiya”, “Utair”, “Azimuth” və digər aviaşirkətləri də reyslər yerinə yetirir. Hər bir aviaşirkət öz qiymət siyasətini müstəqil şəkildə formalaşdırır.
⠀
Qeyd olunur ki, aviabiletlərin qiymətləri birbaşa reysə olan tələbatdan, təyyarədə qalan yerlərdən, alış tarixindən, uçuş mövsümdən və bir sıra digər kriteriyalardan asılıdır.
