Moskvada Qırmızı Meydana giriş dekabrın 31-i Moskva vaxtı ilə saat 18:00-dan yanvarın 1-i saat 07:00-a qədər məhdudlaşdırılacaq.
Bu barədə Moskva Regional Təhlükəsizlik və Korrupsiyaya Qarşı Mübarizə İdarəsinin mətbuat xidmətindən TASS-a bildirilib.
“31 dekabr 2022-ci il Moskva vaxtı ilə saat 18:00-dan 2023-cü il yanvarın 1-i Moskva vaxtı ilə saat 07:00-a qədər vətəndaşların Qırmızı Meydana, eləcə də İnqilab Meydanına və Manejnaya Meydanına girişi məhdudlaşdırılacaq”, – rəsmi məlumatda deyilir.
Həmçinin bildirilib ki, Moskvanın mərkəzindəki Tverskaya küçəsinə isə vətəndaşların keçidini məhdudlaşdırmaq nəzərdə tutulmayıb.
