12 C
Baku
Friday, March 29, 2024

Müştərinin hansı tələbatı ilk olaraq ödənməlidir?

Hətta ən keyfiyyətli məhsul (və ya xidmət) daimi müştərilərin cəlb edilməsinə zəmanət vermir. Bir çox sahibkarların səhvi müştəridə tam məmnunluq və tələbatın ödənilməsi hissini yarada bilməməklərindədir.

Amerikalı marketoloq Craig Morantz müştərini ələ almaq və satışları artırmaq məqsədilə müştəri tələbatlarını 4 qrupa bölür:

Diqqət:

Bu müştərinin özünü satıcının diqqət mərkəzində hiss etməsidir. Bütün müştərilər başa düşür ki, onlar pul xərclədikdə satıcıya xeyir qazandırırlar. Buna görə də onlar öz vacibliklərini və onlara minnətdar olduqlarını hiss etmək istəyir. Müştərini diqqətdən kənar saxlamaq etibarı bir dəfəlik itirməyin ən öndə gələn üsuludur. Buna görə də, müştərinin özünü xatırlatması halına heç vaxt yol verməyin. Müştərinin zənginin və yaxud ziyarətinin sizin üçün nə dərəcədə vacib olduğunu nümayiş etdirməkdən çəkinməyin.

Əhəmiyyət:

Müştərilər sizə puldan daha vacib olduqlarını hiss etmək istəyirlər. Onlar satıcının daim onlara kömək etməyə cəhd etməsini istəyirlər. Müştərilər daim öz əhəmiyyətlərini hiss etməyə meyillidirlər.

Minnətdarlıq:

Müştəri özünü qiymətləndirilən bir şəxs kimi hiss etdikdə onun ürək döyüntüləri sürətlənir və həmçinin orqanimzdə dofamin səviyyəsi yüksəlir. Müştəriyə minnətdar olduğunuzu göstərmək üçün onu qiymətləndirdiyinizi, seçdiyi məhsulla necə maraqlandığınızı göstərmək kifayətdir.

Anlayış:

Əsas olan müştərini olduğu kimi qəbul etməkdir. Hər bir satıcı asan yol gedən müştəri ilə işləmək istər, lakin bəzən emosional, daim nədənsə narazı və əsəbi insanlarla da işləmək məcburiyyəti yaranır. Sadəcə özünüzə sual verin: “Müştəriyə onun duyğularını anlamaq istədiyimi necə izah edim?!”.

Son xəbərlər
Digər xəbərlər