®Azərbaycan Respublikası İpoteka və Kredit Zəmanət Fondunun İdarə Heyəti tərəfindən təsdiq edilmiş “İstiqrazlar üzrə emitentlərin (sahibkarların) öhdəliklərinə Azərbaycan Respublikası İpoteka və Kredit Zəmanət Fondunun təminat verməsi Qaydası”na əsasən “PAŞA Kapital” müvəkkil investisiya şirkəti statusunu almışdır. Bunun müqabilində şirkət müştərilərinə “İstiqrazlar üzrə zəmanət mexanizmi”ni təqdim edəcəkdir.
“İstiqrazlar üzrə təminat mexanizmi” yerli bazarda fəaliyyət göstərən emitentlər (sahibkarlar) üçün alternativ maliyyə imkanları yaratmaq məqsədlidir. Həmçinin bu mexanizm, qiymətli kağızlar bazarının inkişafına dəstək olmağa və investorların risklərinin bölüşdürülməsinə yardım olacaqdır. Qeyd edək ki, təyin olunan bu zəmanət korporativ istiqrazların likvidliyini və cəlbediciliyini artıracaq, eləcə də investorların maraqlarını qoruyacaqdır.
İstiqrazlar üzrə təqdim edilən zəmanətin üstünlükləri:
- Sahibkarların maliyyə resurslarına çıxış imkanının artması,
- Qiymətli kağızlar bazarının inkişafına dəstək,
- İnvestorların risklərinin bölüşdürülməsi.
Zəmanət veriləcək istiqrazlara şamil edilən əsas tələblər:
- Məcmu nominal dəyər minimum 1 000 000 AZN təşkil etməlidir,
- Tədavül müddəti maksimum 7 il olmalıdır,
- Zəmanət istiqrazların məcmu nominalının qalıq dəyəri üzrə təqdim edilir,
- Yalnız manatla ifadə olunan korporativ istiqrazlara təminat verilir,
- Bir emitentin bütün emissiya prospektləri üzrə zəmanət verilən istiqrazlarının məcmu nominal dəyəri ilə həmin emitentin daxil olduğu bir-biri ilə əlaqədar borcalanlar qrupunun bütün müvəkkil banklar üzrə zəmanət verilən kreditlərinin məbləğinin cəmi 10 000 000 (on milyon) AZN-dən çox olmamalıdır.
Emitentlərə (sahibkarlara) dair tələblər aşağıdakı kimidir:
- Vergilərə və digər icbari ödənişlərə dair vaxtı keçmiş öhdəlikləri olmamalı,
- Müvafiq lisenziyaya və ya icazəyə malik olmalı (qanunvericiliklə tələb olunduqda),
- Fonda və müvəkkil investisiya şirkətinə aidiyyəti şəxs olmamalı,
- Kredit öhdəlikləri üzrə 60 gündən artıq gecikməsi olmamalı və ya son 1 il ərzində qeyri-işlək kredit statusu almış kredit borcu olmamalı,
- Emitentin bank hesabları üzərində pul vəsaitinin silinməsinə dair hazırda müvafiq sərəncam olmamalı,
- Qeyri-neft sektorunda fəaliyyət göstərməlidir,
- Nizamnamə kapitalında dövlətin iştirak payı 50 %-dən çox olmamalı.
Ölkənin aparıcı investisiya şirkətlərindən biri olaraq “PAŞA Kapital” şirkəti öz müştərilərinə Azərbaycan bazarından qısa və ya uzun müddətlərə kapital cəlb etmək üçün səhm, eləcə də müxtəlif valyutalarda istiqrazların yerləşdirilməsini vasitəçilik xidməti ilə yerli və xarici fond bazarlarında investisiya əməliyyatlarının aparılmasını təqdim edir. Qiymətli kağızlar bazarının sabit gəlirli maliyyə alətləri üzrə bütün seqmentlərində həm xarici, həm də yerli bazarda əməliyyat həcminə görə öz liderlik mövqeyini qoruyub saxlayır. Belə ki, Bakı Fond Birjası tərəfindən cari ilin yanvar-noyabr ayları üçün açıqlanan hesabata əsasən şirkətin dövriyyə həcmi 17 milyard 450 milyon manat təşkil etmiş, xarici bazar üzrə isə noyabr ayının sonuna saxlanılan qiymətli kağızların həcmi 696 milyon AZN olmuşdur.
Əlaqə üçün: 1548
