Ekologiya və Təbii Sərvətlər Nazirliyində yeni təyinatlar olub.
Nazir Muxtar Babayevin əmri ilə Asif Məcidov 4 saylı Regional Ekologiya və Təbii Sərvətlər İdarəsinin rəisi təyin edilib. Bu təyinata qədər o, 8 saylı Regional Ekologiya və Təbii Sərvətlər İdarəsinin rəisi vəzifəsində çalışıb.
Məlumatı nazirliyin mətbuat katibi İradə İbrahimova təsdiqləyib.
O bildirib ki, 8 Saylı Ekologiya və Təbii Sərvətlər İdarəsinin rəisi vəzifəsinə isə 7 saylı Ekologiya və Təbii Sərvətlər İdarəsinin rəisi Akif Məmmədov təyin edilib.
7 saylı Ekologiya və Təbii Sərvətlər İdarəsinin rəisi vəzifəsi 9 saylı Ekologiya və Təbii Sərvətlər İdarəsinin sektor müdiri Anar Süleymanova həvalə olunub.
