Biz daima monitorinq edirik və görürük ki, Azərbaycanda istifadəçilərin çoxunun şifrələri sızır və hətta onlar satışa çıxarılır.
Bunu Xüsusi Rabitə və İnformasiya Təhlükəsizliyi Dövlət Xidmətinin idarə rəisi Tural Məmmədov bildirib.
“Misal üçün, istifadəçinin “mygov”da istifadə etdiyi şifrəsi satışa çıxarılırsa, bu hücumu “mygov”a olan hücum kimi statistikaya daxil etməliyik, yoxsa vətəndaşa olan kiberhücum kimi? Bu parollar satışa çıxarılanda hökumət məlumatı olaraq satışa çıxarılır. Halbuki bu sistemdən yox istifadəçidən əldə olunmuş məlumatlar olur”,- deyə Tural Məmmədov vurğulayıb.
