“Bakı Metropoliteni” QSC-nin “Nəriman Nərimanov” stansiyasının rəisi vəzifəsinə təyinat olub.
Bununla bağlı səhmdar cəmiyyətinin rəisi Zaur Hüseynov müvafiq əmr imzalayıb.
Əmrə əsasən, sözügedən vəzifə Arif Həsənliyə həvalə edilib. O, bundan əvvəl “Xalqlar dostluğu” metrostansiyasının rəisi olub.
Bakı metrosundan “Report”un sorğusuna cavab olaraq faktı təsdiq ediblər.
Xatırladaq ki, “Nəriman Nərimanov” stansiyasının rəisi Seyfulla Vəliyev avqustda vəzifəsindən azad olunaraq inşası davam edən və şərti adı “Xocasən” olan stansiyaya rəis təyin edilmişdi.
Hazırda metro stansiyalarının sayı 27-dir və onların 26-da sərnişin qəbulu həyata keçirilir.
Metronun 27 stansiyasının rəhbərliyi aşağıdakı kimidir:
| № | Stansiya rəisinin adı | Hazırda rəhbərlik
etdiyi stansiya |
Əvvəl rəhbərlik
etdiyi stansiya |
| 1 | Əlişan Ağayev | Avtovağzal | Memar Əcəmi (Bənövşəyi) |
| 2 | Niyaz Alıyev | Memar Əcəmi (Bənövşəyi) | Qara Qarayev |
| 3 | Akif Məmmədov | Şah İsmayıl Xətai | Əhmədli |
| 4 | Yusif Kərimov | Cəfər Cabbarlı | Gənclik |
| 5 | Vüsal Zeynalov | Nizami | İmtahanla qəbul edilib |
| 6 | Şaiq Heydərov | Elmlər Akademiyası | Cəfər Cabbarlı |
| 7 | Sərdar Babayev | İnşaatçılar | Bakmil |
| 8 | Elçin Süleymanov | 20 Yanvar | İnşaatçılar |
| 9 | Şahvələd Hüseynov | Memar Əcəmi | İçərişəhər |
| 10 | Ramin Əliyev | Nəsimi | İmtahanla qəbul edilib |
| 11 | Xalid Məmmədov | Azadlıq prospekti | İmtahanla qəbul edilib |
| 12 | Faiq Həsənov | Dərnəgül | Avtovağzal |
| 13 | Cümşüd Cəfərov | İçərişəhər | Sahil |
| 14 | Nurlan Nəbiyev | Sahil | İmtahanla qəbul edilib |
| 15 | Müstəcəb Qurbanov | 28 May | Nəriman Nərimanov |
| 16 | Əli Mayılov | Gənclik | Elmlər Akademiyası |
| 17 | Arif Həsənli | Nəriman Nərimanov | Xalqlar dostluğu |
| 18 | Dəyanət Dadaşov | Bakmil | Şah İsmayıl Xətai |
| 19 | Elxan Zeynalov | Ulduz | Nəsimi |
| 20 | Vadim Məmmədov | Koroğlu | Həzi Aslanov |
| 21 | İlqar Rüstəmov | Qara Qarayev | Azadlıq prospekti |
| 22 | Mehman İbrahimov | Neftçilər | Koroğlu |
| 23 | Xalqlar dostluğu | ||
| 24 | Cəmşid Cəfərov | Əhmədli | Neftçilər |
| 25 | Vidadi İbrahimov | Həzi Aslanov | 28 May |
| 26 | Yusif Şabanov | 8 Noyabr | Nizami |
| 27 | Seyfulla Vəliyev | Xocasən | Nəriman Nərimanov |
