Banklar tərəfindən nağd xarici valyutanın alqı-satqısı üzrə aparılmış əməliyyatların həcmi ötən ilin müvafiq dövrünə nəzərən 46.9% artaraq 3.9 mlrd. ABŞ dolları ekvivalentində olub.
Banker.az xəbər verir ki, bu Mərkəzi Bankın “Pul siyasəti icmalı”nda bildirilir.
Bunun 87.2%-ni ABŞ dolları ilə aparılmış əməliyyatlar təşkil etmişdir. I rübdə baş verən yüksək satışlar hesabına nağd xarici valyutanın xalis satışı 9 ayda ötən ilin müvafiq dövrünə nəzərən 48.1% artmışdır.
Bununla belə, aprel ayından başlayaraq vəziyyət dəyişmiş və banklar tərəfindən xarici valyutanın alışı satışı üstələyib.
