NATO-nun Cənubi Qafqazdakı fəaliyyəti, Azərbaycanda və ya Ermənistanda olmasından asılı olmayaraq, dağıdıcı xarakter daşıyır.
Bunu Rusiya Xarici İşlər Nazirliyinin rəsmi nümayəndəsi Mariya Zaxarova NATO-nun Beynəlxalq Hərbi Qərargahının baş direktoru general Yanuş Adamçakın Bakıya son səfərini şərh edərkən deyib.
Zaxarovanın sözlərinə görə, NATO-nun əsl məqsədi regionu Rusiya ilə qarşıdurma meydanına çevirmək, ölkələri bir-birinə qarşı qoymaq, sonra isə bundan faydalanmaqdır. Moskvanın mövqeyi budur ki, regionda qərarlar bu region ölkələrinin özləri tərəfindən qəbul edilməlidir.
Bu kontekstdə Zaxarova qeyd edib ki, “3+3” formatında keçiriləcək danışıqlar bunun mümkünlüyünün əyani təsdiqidir.
