32 C
Baku
Thursday, August 11, 2022

Naxçıvan gömrüyündə monopoliya ləğv edildi

Banker.az Ölkə.az saytınadən xəbər verir ki, Naxçıvan MR gömrüyündə bütün monopoliyalar ləğv edilib.

Naxçıvandakı məlumatlı mənbədən redaksiyamıza bildiriblər ki, bu barədə dünən Naxçıvan Dövlət Gömrük Komitəsində keçirilən kollegiya iclasında Komitənin sədri general-leytenant Asəf Məmmədov əməkdaşlarına tapşırıq verib.

Azərbaycanda baş verən son devalvasiyadan sonra daxili bazarda gedən sürətli bahalaşma gömrükdəki inhisarın aradan qaldırılması zərurətini gündəmə gətirmişdi. İqtisadi ekspertlərin əksəriyyəti daxili bazarda bahalaşmanın qarşısını almağın yolları kimi məhz monopoliyanın aradan qaldırılmasını göstərmişdilər.

Xatırladırıq ki, Naxçıvan MR ərazisində üç iri gömrük keçid məntəqəsi var. Bunlardan biri Türkiyə ilə sərhəddəki Sədərək gömrük məntəqəsi, digərləri isə İranla sərhəddə yerləşən Culfa və Şahtaxtı gömrük məntəqələridir.

İclasda həmçinin bundan sonra Muxtar Respublikaya daxil olan bütün malların rəsmi qeydiyyata alınması tapşırılıb.

Son xəbərlər
Oxşar xəbərlər