İndiyə qədər Naxçıvan Muxtar Respublikasında “ƏDV geri al” layihəsi çərçivəsində istehlakçılara 2,6 milyon manatdan çox ƏDV məbləği geri qaytarılıb.
Bu barədə İqtisadiyyat Nazirliyi yanında Dövlət Vergi Xidməti məlumat yayıb.
Məlumata görə, təkcə bu ilin yanvar-mart aylarında istehlakçılara qaytarılan məbləğ isə ötən ilin eyni dövrünə nisbətən 15,6 % artaraq 369 min manat olub.
