Bu ilin aprel ayında Naxçıvan Muxtar Respublikasında nağdsız ödənişlərin həcmi 119,731 milyon manat təşkil edib.
Bu barədə Azərbaycan Mərkəzi Bankının (AMB) yerli idarəsinin məlumatında bildirilir.
Məlumata görə, bu, 2024-cü ilin eyni dövrü ilə müqayisədə 52,5 % çoxdur.
Hesabat dövründə Naxçıvanda ödəniş kartlarının sayı 0,6 % artaraq 304 595-ə çatıb.
Bu il aprelin sonuna muxtar respublikada 2 990 POS-terminal, 97 bankomat və 364 ödəniş terminalı olub ki, bu da, əvvəlki ilin eyni dövrü ilə müqayisədə müvafiq olaraq 40,6 % çox, 25,4 % az və 30 % çoxdur.
