“Bakı şəhəri, Nizami rayonunda yerləşən “Diqlas” ticarət mərkəzinin yenidən tikilməsi qərarı onun sahiblərinə aiddir.
Bunu jurnalistlərə açıqlamasında iqtisadiyyat naziri Şahin Mustafayev deyib.
O bildirib ki, binanın sökülüb, tikilməsi uzun vaxt aparır. “Buna görə sahibkarlara tövsiyyə odur ki, onlara təklif edilən ticarət mərkəzlərində fəaliyyətini bərpa etsinlər”, – deyə Şahin Mustafayev vurğulayıb.
Qeyd edək ki, martın 26-da Bakı şəhərinin Nizami rayonu, Qara Qarayev prospketində yerləşən “Diqlas” ticarət mərkəzi yanıb. İqtisadiyyat Nazirliyi tərəfindən ticarət mərkəzləri ilə aparılmış danışıqların nəticəsində əldə olunmuş razılaşmaya əsasən, Bakının Nizami rayonunda yerləşən ticarət mərkəzində baş vermiş yanğında zərər çəkən sahibkarlara 8 ticarət mərkəzi təklif olunub.
©Report
