Nazir icbari tibbi sığorta sisteminin bütün ölkə üzrə tətbiqi tarixini açıqladı

Samir Şərifov

“2019-cu ildə icbari tibbi sığorta sisteminin bütün ölkə üzrə tətbiq olunması üçün yekun hazırlıq işləri həyata keçiriləcək. Sistemin bütün ölkə üzrə tətbiqinə isə 2020-ci ildən başlanması gözlənilir”.

Bunun maliyyə naziri Samir Şərifov Milli Məclisin komitələrinin gələn ilin dövlət büdcəsi ilə bağlı birgə iclasında bildirib. Banker.az bu barədə Report-a istinad edir.

“Gələn il icbari tibbi sığortaya 224 mln. manat ayrılması nəzərdə tutulub. Buna baxmayaraq icbari tibbi sığortanın həyata keçirilməsi üçün müəyyən vəsaitlərin xüsusi fondda toplanılması məsələsinə baxılacaq”, – deyə o, qeyd edib.