Əmək və Əhalinin Sosial Müdafiəsi Nazirliyi yanında 11 saylı Salyan Rayon Dövlət Əmək Müfəttişliyi Xidmətinin rəisi Mahir Nadir oğlu Şükürov işdən çıxarılıb.
Banker.az xəbər verir ki, bu barədə “Report”un yerli bürosu məlumat yayıb.
Məlumata görə, bununla bağlı əmək və əhalinin sosial müdafiəsi naziri Sahil Babayev əmr imzalayıb.
Nazirin digər əmri ilə Vasif Abdul oğlu Əliyev 11 saylı Salyan Rayon Dövlət Əmək Müfəttişliyi Xidmətinə müdir təyin edilib. O, bundan əvvəl Şirvan Şəhər İcra Hakimiyyəti başçısının müavini vəzifəsində çalışıb.
