Harvardın 2013-cü ilin statistikasına əsasən, 8963 abituriyentlərdən cəmi 913 nəfər, yəni müraciət edənlərin 10%-i, MBA proqramı üzrə qəbul ola bilmişdilər.
Harvard universitetində abituriyentlərə tələblər çox ağırdır: onlar əla nəticələrlə testlərdən keçməli və yaxşı esse (inşa) yazmalıdırlar.
Harvarda qəbul olmaq şanslarını artırmaq üçün bakalavr dərəcəsi olan tələbələr qəbul komissiyasının diqqətini cəlb edəcək bir esse yazmalıdırlar.
Təlimatlara riayət edin
Sizin yeganə öhdəliyiniz – suala cavab verməkdir. Artıq məlumat verməyə ehtiyyac yoxdur.
Əmin olun ki, siz suala hərtərəfli cavab vermisiniz, eyni anda öz fikirlərinizi yığcam şəkildə izah etməyə riayət edin. Qəbul komissiyasına necə çalışdığınız, özünüz, öz liderlik xüsusiyyətləriniz haqqında danışın. Esse sizin düşüncə gedişatınızı əks etdirməlidir.
Həmçinin essedə söz sayının məhdudiyyətinə diqqət edin.
Əgər siz limiti 100 söz belə olsa keçsəniz, bu sizin qiymətinizdə mənfi olaraq əks olunacaq.
Suala bacardığınız qədər dəqiq cavab verməyə və mövzudan haşiyəyə çıxmamağa çalışın.
Essedə öz istedadlarınızı və dil biliklərinizi qeyd etməyi unutmayın.
Mütləq esselər
Harvarda qəbul olarkən mütləq 2 esse yazmaq lazımdır: bir esse 400 sözdən, digəri isə 600 sözdən ibarət olmalıdır.
Bu esselərdə namizədlər öz nailiyyətləri və səhvləri haqqında danışmalıdırlar.
Esselərdə çox saylı faktlar və statistik məlumatlar qeyd etməyə ehtiyyac yoxdur, sizin inşanız sizin həyat yolunuz haqqında məlumatlara həsr olunmalıdır.
Sizə təsir edən hadisələrdən, öz liderlik bacarıqlarınızı nümayiş etdirdiyiniz vəziyyətlərdən, qarşınıza qoyduğunuz məqsədə necə çatdığınız haqqında danışın.
İnşalarda əsas diqqəti professional nailiyyətlərinizə yönəldin, lakin şəxsi nailiyyətlərinizi də qeyd etməyi unutmayın.
Sizin bir şəxsiyyət kimi inkişaf etməyinizə nələr təsir edib?
Buraxdığınız səhvlərdən danışarkən xırda deyil, ciddi misallar gətirin.
Mövzu seçimi
Sizə seçim üçün dörd mövzu təqdim olunacaq: siz kollecdə (universitetdə) necə oxumusunuz, buraxılışdan sonra nə ilə məşğul olmağı planlayırsınız, sizin həyatınızdan hər hansısa bir hadisə və özünüzü digər tələbələrə necə təqdim edəcəksiniz.
Elə bir mövzu seçin ki, bu mövzu sayəsində siz öz pozitiv təcrübənizlə bölüşə biləsiniz.
Məsələn, Harvardda MBA proqramının sizə qarşınıza qoyduğunuz məqsədlərə nail olmaqda necə yardım göstərəcəyi haqqında.
Çalışın ki, artıq təfərrüatlar verməyəsiniz.
Əgər siz öz uğursuzluğunuz haqqında yazmağa qərar vermisinizsə, bu haqqda qısa olaraq danışın və daha sonra problemi necə həll etdiyinizi və bunun sayəsində nə öyrəndiyinizi təsvir edin.
Əgər siz özünüzü digər tələbələrə necə təqdim edəcəyiniz haqqında inşa yazmağa qərar vermisinizsə, çalışın ki, sizin həyatınızdan olan və digər tələbələri maraqlandıra bilən hadisələri təsvir edəsəniz.
Savadlı yazı
İnşalarınızda mütləq abzaslara diqqət yetirin. Çalışın ki, esse nə qısa, nə də çox uzun olmasın.
Həmçinin qrammatik səhvlər etməməyə və öz üslubunuzu yaratmağa diqqət yetirin.
İnşa yazarkən məişət üslubundan istifadə etməyin.
Qəbul komissiyası əksərən inşanın məzmununa diqqət yetirər, lakin bu MBA proqramı üzrə qəbul olmaq istəyənlərə qrammatik qaydalara qarşı laqeyd qalmağa səbəb vermir.
Comments are closed.