Neftin qiyməti Asiya sessiyasının erkən saatlarında yüksəlib, bu da Rusiyaya və İrana qarşı Qərb sanksiyaları səbəbindən təklifin azalacağı gözləntiləri ilə bağlıdır.
Banker.az xəbər verir ki, bu barədə WSJ-yə “Exness” şirkətinin maliyyə bazarları strateqi Mariya Agustina Patti bildirib.
O əlavə edib ki, Səudiyyə Ərəbistanının Asiya üçün neft qiymətlərində son üç ayda ilk dəfə müşahidə olunan artım, Yaxın Şərq neftinə olan tələbin güclənməsini göstərir.
WTI xam neftinin ön aylıq fyuçersləri 0,6% artaraq $74,67/barel, Brent xam neftinin ön aylıq fyuçersləri isə 0,4% artaraq $77,35/barel olub.
