Neft şirkətinə qeyri-icraçı direktor seçilib

BP şirkətinin ötən gün keçirilən ümumi illik yığıncağında xanım Melodi Meyer qeyri-icraçı direktor seçilib.

Bu barədə BP şirkətinin məlumatında qeyd olunub.

Bildirilib ki, 37 il “Chevron” şirkətində çalışan M.Meyerin  qlobal neft və qaz sənayesində geniş təcrübəsi var. O, “Chevron” şirkətində müxtəlif vəzifələrdə çalışıb,  təqaüdə çıxdığı 2016-cı qədər isə “Chevron Asia Pacific Exploration and Production” şirkətinin prezidenti olub.