Dünya Bankı 2022-2023-cü illər üçün “Brent” markalı etalon neftin orta qiyməti ilə bağlı proqnozunu dəyişməyib.
Proqnoza əsasən, 2022-ci ildə “Brent” neftinin orta qiyməti 100 dollar təşkil edəcək, 2023-cü ildə isə 92 dollaradək enəcək.
Dünya Bankının mütəxəssisləri hesab edir ki, 2024-cü ildə “Brent” markalı neft daha da ucuzlaşacaq və onun orta qiyməti 80 dollar səviyyəsində qərarlaşacaq.
Hesabatda qeyd olunur ki, 2021-ci ildə “Brent”ın orta qiyməti 70.4 dollar, 2020-ci ildə isə 42.3 dollar təşkil edib.
