Qlobal enerji bazarlarında neftin qiymətindəki artım dinamikası bir qədər sakitləşib. Brent xam nefti 54-55 dollar aralığında dəyişməkdədir.
Bloomberg-in son göstəricilərinə görə, Brent markalı xam neft Londonun qitələrarası fond birjasında 0.16 faiz bahalaşma ilə 54.54 dollar/barrel olmuşdur. Nyu-Yorkun əmtəə birjasında WTI markalı xam neft isə 0.17 faiz bahalaşmaqla 51.00 dollar/barrel olub.
Qeyd edək ki, OPEC+ ölkələrnin nazirlər komitəsi neftin hasilatı ilə bağlı yanvarın 5-də yeni qərar qəbul ediblər. Qərara əsasən növbəti iki ayda hasilatın həcmi dəyişilməz qalacaq. Bununla belə fond indekslərində dolların indeksi düşməsi də neftin qiymət artımına səbəb olmaqdadır.
