Bazar ertəsi Asiya ticarətində neftin qiymətləri ucuzlaşıb. Səbəb isə OPEC+ ölkələrinin sentyabr ayında hasilatı artırmaq barədə razılığa gəlməsi və ABŞ iqtisadiyyatının zəifləməsi ilə bağlı narahatlıqlardır.
Banker.az xəbər verir ki, Bakı vaxtı ilə 09.00-da Brent markalı neftin sentyabr fyuçersləri 0,5% azalaraq bir barelə görə $69.35, WTI isə 0,3% geriləyərək $65.90 səviyyəsinə enib.
OPEC+ bazar günü hasilatın sentyabrda gündəlik 547 min barel artırılacağını açıqlayıb. Bu, kartelin hasilatı artırmaq barədə ardıcıl altıncı qərarıdır. Avqust ayında da 548 min barel artım olmuşdu.
Bazar iştirakçıları bu qərarın yaxın aylarda təklifin artmasına və bunun da ABŞ-ın Rusiya neftinə tətbiq etdiyi sanksiyaların təsirini zəiflətməsinə səbəb ola biləcəyindən ehtiyat edirlər.
Digər tərəfdən, ABŞ-da əmək bazarına dair zəif göstəricilər və PMI məlumatlarının azalması ölkədə neft tələbatının zəifləyə biləcəyini göstərir.
Prezident Donald Trampın Rusiyadan neft alan ölkələrə, xüsusilə Çin və Hindistana yeni tariflər tətbiq edəcəyi ilə bağlı təhdidləri və Ukrayna ilə bağlı hərbi müdaxilə ilə hədələməsi isə ötən həftə qiymətləri qismən dəstəkləyib.
