Niderland Ukraynadakı kənd təsərrüfatı şirkətlərini maliyyələşdirmək, eləcə də insanların qarşıdan gələn qışdan sağ çıxması üçün generatorlar almaq üçün Dünya Bankı vasitəsilə 100 milyon avro ayıracaq.
Bunu ölkənin Xarici Ticarət və İnkişaf üzrə Əməkdaşlıq naziri Liza Şraynmaxer Dünya Bankının Vaşinqtonda keçirilən yaz iclasında deyib.
Nazirin sözlərinə görə, bu, Niderlandın bu il yenidənqurma yardımı şəklində Ukraynaya vəd etdiyi 2,5 milyard avronun ilk tranşıdır. Bu böyük məbləğ əsasən hərbi yardım üçündür, lakin Şraynmaxer əmin edib ki, digər dəstək variantları da diqqətlə nəzərdən keçirilir.
