Niger Milli Neft Şirkəti ölkənin cənub-şərqindəki səhrada ilk kəşfiyyat işlərinə başlayıb.
Bu barədə Nigerin Baş naziri Əli Mahaman Lamin Zeyn bildirib.
Onun sözlərinə görə, 1977-ci ildə yarandığı gündən Milli Neft Şirkətinin fəaliyyəti əsasən neft məhsullarının marketinqi ilə məhdudlaşıb: “Bu gün o, xam neft və qazın kəşfiyyatına və istismarına başlayır”.
Ölkənin gömrük rəisi Əli Seybu Həssənin sözlərinə görə, Niger iqtisadi suverenliyini təmin etmək və mənfəəti artırmaq üçün öz neftini istehsal etmək qərarına gəlib.
