Nikkei agentliyinin məlumatına görə, İranda gedən müharibəyə baxmayaraq, Çinin ÜDM artımı birinci rübdə, ehtimal ki, sürətlənib. Nikkei və Nikkei Quick News tərəfindən sorğuya cəlb olunan iqtisadçılar hesab edirlər ki, yanvar–mart dövründə Çin iqtisadiyyatı 4,7% artıb, halbuki dördüncü rübdə artım 4,5% olmuşdu.
JD.com-un baş iqtisadçısı Şen Szyanqquan Nikkei-yə bildirib ki, Çin iqtisadiyyatı bu ilə yaxşı başlayıb: “Xüsusilə ixrac güclü olub. Eyni zamanda sənaye istehsalı, xidmət istehlakı və infrastruktur investisiyaları gözləntiləri üstələyib, qiymətlər isə sabit bərpa tendensiyası göstərir”.
Qeyd olunur ki, 2026-cı ilin ilk iki ayında Çində sənaye istehsalının əlavə dəyəri ötən ilin eyni dövrü ilə müqayisədə 6,3%, pərakəndə satışlar isə 2,8% artıb. Yanvar və fevral aylarında ixrac illik müqayisədə 21,8% yüksəlib — buna Cənub-Şərqi Asiyaya tədarüklərin ABŞ-yə ixracdakı azalma fonunda kompensasiya etməsi səbəb olub.
