“Nissan” şirkətinin sabiq rəhbəri Karlos Qon 108 günlük həbsdən sonra 1milyard yen (təqribən 9 milyon dollar) girov müqabilində azadlığa buraxılıb.
K.Qon martın 6-da yerli vaxtla saat 16:30 dəqiqədə həbsdən azad edilib. Onun Yaponiyanı tərk etməyəcəyi və evinin girişində nəzarət kamerası quraşdırılacağı şərti ilə azad edildiyi bildirilir.
Xatrıladaq ki, K.Qon ötən il noyabrın 19-da gəlirləri barədə məlumatın gizlədilməsi ittihamı ilə həbs edilib. O, bu ittihamı qəbul etmədiyini bildirib.
