Myanmanın devrilmiş lideri Aung San Suu Kyi 4 il müddətinə azadlıqdan məhrum edilib.
O, pandemiya qaydalarını pozmaq və qanuna qarşı çıxmaqda ittiham olunub.
Bu, ona qarşı irəli sürülmüş 11 ittihamdan biridir. Digər ittihamlar üzrə hökm çıxarılarsa, o, ömürlük həbs edilə bilər.
76 yaşlı Suu Kyi bütün ittihamları rədd edib.
O, fevral ayında baş vermiş çevrilişdən sonra ev dustaqlığındadır. Onun həbsxanaya göndərilib-göndərilməyəcəyi bəlli deyil.
Beynəlxalq təşkilatlar məhkəməni “saxta” adlandıraraq çıxarılan hökmü pisləyiblər.
