Norveç hakimiyyəti öz kontingentinin Litvada NATO missiyasında iştirakını 2024-cü ilə qədər uzatmaq qərarına gəlib.
Bu barədə krallıq hökumətinin saytında dərc olunan press-relizdə deyilir.
“Baltikyanı ölkələr bizim müttəfiqlərimizdir. Bizim varlığımız onların təhlükəsizliyini gücləndirir. Buna görə də hökumət Norveç qoşunlarının 2024-cü ilə qədər Litvada mövcudluğunu saxlamaq qərarına gəlib”, – baş nazir Jonas Qahr Störe NATO sammitindən əvvəl deyib.
NATO-nun Litvadakı qüvvələrinin bir hissəsi olan Norveç kontingenti 150 nəfərə qədər olan bir missiyadır. O, 2017-ci ildən Litva ərazisində yerləşdirilib.
