30 noyabr 2021-ci il tarixində Azərbaycan bankları tərəfindən müştərilərə verilmiş cəmi kreditlər 16 milyard 282 milyon manata çatıb.
Banker.az Mərkəzi Banka istinadən xəbər verir ki, müştərilərə verilmiş kreditlər 2021-ci ilin noyabr ayında 284.7 milyon manat, 11 ay ərzində isə (ötən ilin sonuna nisbətən) 2 milyard 125 milyon manat artıb.
Biznes kreditləri 11 ay ərzində 1 milyard 47.9 milyon manat, o cümlədən noyabr ayında 173.8 milyon manat artaraq 9 milyard 526.2 milyon manata çatıb.
İstehlak kreditləri 11 ay ərzində 739.2 milyon manat, o cümlədən noyabr ayında 85.7 milyon manat artaraq 4 milyard 400.4 milyon manata yüksəlib.
İpoteka kreditləri 11 ay ərzində 300.9 milyon manat, o cümlədən noyabr ayında 25.2 milyon manat artaraq 2 milyard 355.4 milyon manata qalxıb.
