“Nvidia” “Intel”in təxminən 214,7 milyon səhmini bir ədədinə 23,28 dollar qiymətlə alıb. Ümumilikdə razılaşmanın dəyəri 5 milyard dollar olaraq qiymətləndirilir. Şirkətlər 2025-ci ilin sentyabrında tərəfdaşlıq barədə razılaşıblar.
Sövdələşmə ABŞ-nin Federal Ticarət Komissiyası tərəfindən təsdiqlənib. “Nvidia”nın “Intel”də hansı həcmdə pay əldə edəcəyi açıqlanmayıb. Nəşrin qeyd etdiyi kimi, bu investisiya “bir neçə il davam edən strateji səhvlər və büdcənin tükənməsindən” sonra şirkətə dəstək olmalıdır.
“Intel” “Nvidia RTX” qrafik çiplərindən istifadə edərək “x86” təkçipli sistemlər yaradacaq. Bundan əlavə, şirkətlər məlumat mərkəzləri üçün mərkəzi prosessorların birgə hazırlanmasını planlaşdırırlar.
2025-ci ilin avqustunda “Intel” “SoftBank”dan 2 milyard dollar cəlb edib. Elə həmin ay şirkət səhmlərinin təxminən 10%-ni ABŞ hökumətinə ötürüb.
