“Nvidia” özünün “Jetson Orin Nano Super” süni intellekt superkompüterini təqdim edib. Əvvəlki “Jetson Orin Nano” modeli ilə müqayisədə bu prosessorun performansı 70% – 67 TOPS-a qədər (bir saniyədə əməliyyat sayı, trilyonlarla ölçülür) artıb.
Superkomptüerə “Nvidia AI” proqram təminatı quraşdırılıb: robototexnika üçün “Nvidia Isaac”, kompüter görmə üçün “Nvidia Metropolis” və sensorun işlənməsi üçün “Nvidia Holoscan” (işıq analizi, ultrasəs və s.).
Mini kompüterin qiyməti 249 dollardır. Qeyd edək ki, əvvəlki “Jetson Orin Nano” superkompüterinin qiyməti 499 dollar olub.
