Amerika çip və kompüter avadanlığı istehsalçısı “Nvidia” səhmlərinin 3 günlük ucuzlaşması nəticəsində bazar kapitallaşmasının 500 milyard dollardan çox itirib. Bu, birjalar tarixində şirkətlər üçün belə bir müddət ərzində ən böyük itkidir. “The Guardian” xəbər verir ki, iyunun 20-dən etibarən “Nvidia” səhmləri NASDAQ birjasında 15%-dən çox ucuzlaşıb və təkcə bazar ertəsi dəyərinin 6.7%-ni itirib.
ABŞ istehsalçısının səhmlərinin qiymətində korreksiya investorların narahatlığına səbəb olub və bəziləri süni intellekt (AI) səhmlərindəki bumun növbəti köpüyə çevrilə biləcəyini düşünməyə başlayıblar.
Keçən il “Nvidia” səhmləri bu ilin əvvəlində mikroçiplərə və süni intellekt texnologiyalarına böyük tələbat fonunda 239% artıb və son günlərdə onların artımı 180% təşkil edib. Bir neçə gün əvvəl “Nvidia” “Microsoft”u keçərək dünyanın ən dəyərli şirkəti olub – kapitallaşması 3.34 trilyon dollara çatıb.
Lakin indi investorların “Nvidia” səhmlərini dempinq etməyi düşündüyünə dair çox az dəlil var. Üç günlük enişdən sonra belə, şirkətin səhmləri il ərzində 140% bahalaşıb.
