Nyu-Yorkda “Covid-19″a yoluxanların sayını azaltmaq üçün yeni məhdudiyyətlər tətbiq olunub.
Banker.az xəbər verir ki, bu barədə məlumatı çərşənbə günü Nyu-York qubernatoru Endryu Kuomo verib.
Cümə günü axşam saat 22-də qüvvəyə minən yeni qaydalara görə, bar, restoran və idman salonları və ya fitness mərkəzləri ilə yanaşı Dövlət Alkoqol Təşkilatı tərəfindən lisenziyalı müəssisələrin hər gün saat 22-dən səhər 5-ə qədər bağlanması tələb olunur.
Restoranların axşam saat 10-dan sonra yemək və ya çatdırılma təmin olunmasına icazə veriləcək.
Həmçinin, xüsusi açıq və qapalı yaşayış yerlərində 10 nəfərdən çox insanın toplanmasına icazə verilməyəcək.
Nyu-Yorkda, “Worldometers” qeydlərinə görə, bu günə qədər 573 mindən çox insan bu virusa yoluxub.
Ölkədə, koronavirus epidemiyasından ölənlərin siyahısında, Nyu- York hələ 33 min 876 itki ilə birinci yerdədir.
