17 C
Baku
Thursday, May 23, 2024

Ödəniş kartlarının emissiyası və istifadə qaydalarına son dəyişikliklər müzakirə olunub

Azərbaycan Banklar Assosiasiyasında (ABA) “Ödəniş kartlarının emissiyası və istifadə Qaydaları”na son dəyişikliklər müzakirə edilib.

ABA-dan Banker.az-a bildiriblər ki, “Ödəniş sistemləri və alternativ xidmət kanalları üzrə” ekspert qrupunun növbəti iclası keçirilib. Maliyyə Bazarlarına Nəzarət Palatasının və Azərbaycan Respublikası Mərkəzi Bankının nümayəndələrinin iştirakı ilə keçirilən növbəti görüşdə “Ödəniş kartlarının emissiyası və istifadə Qaydaları”na son dəyişikliklər müzakirə olunub. Aparılan müzakirələrdə qaydalara edilən dəyişikliklərin ölkədə ödəniş kartları sahəsində innovativ ödəniş həllərinin istifadəsinin genişlənməsinə və bankların bu sahədə fəaliyyətləri üzrə risklərin daha effektiv idarə edilməsinə imkan verəcəyi qeyd olunub.

Həmçinin aparılan dəyişikliklərin pərakəndə ödənişlərin nağdsız dövriyyəyə cəlb edilməsini təmin edə biləcək əvvəlcədən ödənilmiş kartların daha effektiv istifadəsinə imkan yaradacağı vurğulanıb. Qeyd olunub ki, bu dəyişikliklər ödəniş kartları sahəsində kart sahibləri ilə bağlanılan müqavilə münasibətlərinə dair yeni tələbləri də müəyyən edir.

Qarşılıqlı müzakirələr əsasında keçirilən görüşdə yeni dəyişikliklərin üstünlükləri və beynəlxalq təcrübədə bu sahədə son tendensiyalar da müzakirə olunub.

Son xəbərlər
 ⁠
Digər xəbərlər